Ihre Browserversion ist veraltet. Wir empfehlen, Ihren Browser auf die neueste Version zu aktualisieren.

Haideblitz ond Sonneschai - Mai 2008

Servus,
do ischer wieder.
A neies Joahr isch bereits in vollem Gange ond i bin au wieder mit von d´Partie.
In de ledschde Woche han i mir efters die Auge g´riebe.
Was isch bloos loos in onserm Land?
Koiner draut sich me was oa zu packe. Älle wichtige Sache bleibet liege.
Egal wo mr noa guckt.
S´Unwort der ledschden Wochen: MACHT
Die oine hense ond wisset net, was se damit oafange solled, die andre wisset net, ob se se wellet.
Ond de dritte beschweret sich, dass es welche gibt, die obedenkt die Macht wellet. Igiitigitt, wie
koa mr bloos Macht welle. Do muss mr ja was entscheide, do muss mr ja aktiv schaffe ond sich au no verantworte, für dees, was mr doa dut.

Semmer ehrlich. Jeder Politiker will MACHT, jeder Politiker sträbt die MACHT an.
Nur, wenn´d Politiker MACHT hend, könnet se ihr Programm umsetze. Ohne MACHT gohd nix.

I wähl doch net a Partei, die net an´d MACHT will. I will doch, dass die Punkte, die die Partei vertritt, au in der Realität umgsetzt werdet. I gang doch net zur Wahl, um a Oposition zu wähle, noi, die sollet natürliche d´Wahl gwennne ond no die richtige Politik mache.

Also, I erward von jedem Politiker, logischer Weise sowohl weiblicher als männlicher Natur, aber mir Schwaobe send bekanntlich sparsam, also, i erward von jedem Politiker den ehrlicher Anspruch  auf MACHT.
 
Oins muss i au klar sage. Mir Wähler soddet onsre Macht au auspielen. Mir hend in Hesse deutlich zeigt, wo d´r Bartl de Moscht holt. Aber, weil die vor de Wahl scho ihre Intrigenspiele gspielt hend, kennet se jetzt den MACHTwillen der Wähler net umsetzen. PEINLICH.
Der Wähler hot deutlich abgstimmt, die Politiker aber spielet gegenüber de Wähler die Mächtige ond sehn gar net ei, ihren verfassungsgemäßen Auftrag zu erfüllen.
Stattdessen, stellt mr sich vor d´Leit ond sagt: Bäh mit denne schwätz i net, bloos mit de andere.
Des isch peinlichstes Kindergartenkabarett ond zeigt oimal mehr, dass ´68 viel schlimmer nachwirkt, als mr´s jemals denkt heddet.
D´Froag isch bloos – Wie lang halter mr des aus?
Lasst Sonne in Euer Herz
Euer Michel FreiMönch